Kurzgeschichte "dr Boxkampf"

 

dr Boxkampf

Auch zum anhören.


Iss woahr in Grieboch, sue 1950 unn iech woahr sechze Goahr alt unn ae eweng schportlich.
Efftersch ne Sunntich Vurmittich hot dr Wintersch Ewald dinn durr Tornhalle duem durr Biehne furr Schwerathletik gewoorm.
Do sei murr ae hiegange.
Maenn Kosseng Klaus, der sue zeeh Goahr gingr woahr wie iech, hoh iech efftrsch mietgenumme. Mier sei ja ae dinn sellm Haus gewoehnt.
Oftemoll iss ae geboxt wurn.
Ann sueren Sunntich hott durr Ewald ze mier gesoocht: „ Stieber du bist lang unn schlank, kumm vurrsuch emoll iss boxn“.
Epperemende hoh iech dess ganz gut gemacht, waell iech hoh zwee gleichaltriche nooch Punktn besiecht.
Also hott durr Ewald gemoahnt, daß iech ae emoll geengeren eltern boxn kennt.
Gesoocht, getoe mußt iech genge Meichsnersch Hans oetretn. Der woahr zi derezeit scho iebr zwanzich Goahr alt.
Nooch de zwee Kempf die iech lang beschtrietn hat, woahr iech nimmr durr Frischeste.
Iech hooh de Hennd zur Decking nimmr richtich huechgebracht unn de Bae hamm ae noochgeloohn.
Nu itze hott des Uhael saenn Laef genumme.
Dinn durr erschtn Rund hot miech durr Hans mit erer Linkn noe durr Schleef getroffn unn miech K.O. gehaue. Vurrn weitn hoh iechs zehln geheert, obbr huech kumme bie iech nett geleich.
Waell iech nu längr dortlooch, iss durr Klaus haemmgerennt unn hot ze meinr Muttr gesoocht:
„ Paula itze hamm se daenn Gerhard duem durr Tornhalle durrschloong“.
Nuch eweng wackelich bie iech nooch schpetr haemmkumme. Do warrnse alle fruhe unn ae durr Klaus woahr wiedr zefriedn.
Dess woahr ae durr letzte Boxkampf inn maenn Lehm.
Do durrnooch hoh iech naer nuch Fußball geschpielt, bie ne Wintr geschprunge unn hoh Abfahrtsleaf mietgemacht.

Gerhard Stieber im Januar 2021

durr Voetr unn durr Schwiechrvoetr vurrn Michael unn Frank

Impressum

Quellennachweise